Əl-Cəzirə əsilli fransız iş adamı Fransada hicablı çimərlik geyiminin qadağan olunduğu yerlərdə tətbiq edilən pul cəzasını ödəyəcəyini bildirib.

Axar.az xəbər verir ki, qadağanı pozan kəslərə yazılan 38 avroluq cəriməni ödəyəcəyini bildirən Raçid Nekkaz əslində hicaba qarşı olduğunu qeyd edib:

"Fərdi olaraq hicaba qarşı olsam da, demokratiyada təhlükə törədilmədiyi təqdirdə kiminsə geyim seçimlərinə qarışıla bilməz", - deyə iş adamı qadağaya etiraz edib.

Bundan əvvəl Nekkaz 2010-cu ildə Avropada bəzi ölkələrdə tətbiq edilən niqab qadağası çərçivəsində yazılan cərimələri ödəmək üçün 1 milyon avroluq fond yaratmışdı.

Qeyd edək ki, Fransanın Kann şəhərinin meri müsəlmanların çimərlik geyimini "İslam ekstremizminin simvolu" sayıb və ictimai narahatlıq yaratmamaq üçün dənizə bütün bədəni örtən geyimlə girməyi qadağan edib.