Rusiya Avropa üçün təhdid olaraq qalır və onun qarşısı alınmalıdır.

Axar.az xəbər verir ki, bunu Polşa Prezidenti Karol Navrotski Ukrayna və Litva liderləri Vladimir Zelenski və Gitanas Nauseda ilə görüşündən sonra mətbuata müsahibəsində deyib.

"Rusiyanın mahiyyəti dəyişməz qalıb - o, hələ də Mərkəzi və Şərqi Avropa üçün təhlükə yaradır", - prezident bildirib.

Navrotski qeyd edib ki, Rusiya Ukraynaya raket atmaqda davam edir, bəzi ölkələr isə Moskva ilə münasibətləri bərpa etmək siyasətinə qayıtmağı təklif edir.

Onun sözlərinə görə, istər Vladimir Putinin, istər çarın, istərsə də bolşeviklərin dövründəki ölkə olsun, Rusiya uzun illərdir təhlükədir.