Rusiya rəhbərliyini Haaqadakı Beynəlxalq Cinayət Məhkəməsinin həbsxanasında ölən keçmiş Yuqoslaviya prezidenti Slobodan Miloşeviçin aqibəti gözləyir.

Axar.az xəbər verir ki, bunu Rusiya xüsusi xidmət orqanlarının keçmiş zabiti, Donbas separatçılarının sabiq rəhbəri, hazırda həbsdə olan İqor Strelkov (Qirkin) deyib.

“Müharibə artıq dördüncü ilini başa vurur və biz hələ də şans oyununu oynamağa çalışırıq. Allah bilir nə qədər insan itirmişik, itkilər çox böyükdür - amma yenə də düşmənlərimizi mərmi, raket və bomba ilə təmin edənlərin xahişlərini yerinə yetiririk.

Düzünü desəm, rəhbərliyimizin nəyə güvəndiyini tam başa düşmürəm. Bağışlamaq? Bu, olmayacaq. Barışıq? Bu da olmayacaq. Hər şey Miloşeviç kimi bitəcək; bu, artıq tamamilə aydındır”, - Strelkov bildirib.