Ermənistanın İnzibati Məhkəməsi belaruslu bloger Aleksandr Lapşinin iddiasını rədd edib.

Axar.az xəbər verir ki, bu barədə bloger özü məlumat yayıb.

"İlin məyusluğu, həm də Ermənistanda yeni və təhlükəsiz ev tapanlar üçün faydalı məlumatlar. Ermənistan İnzibati Məhkəməsi 6 fevral 2026-cı il tarixli qərarı ilə Lukaşenkonun Belarusunun tələbi ilə Ermənistanda mənə qarşı təqiblərə son qoyulmasını tələb etdiyim iddiamı rədd etdi. Xatırladım ki, Belarus hakimiyyəti məni MDB-də axtarışa vermişdi. Nəticədə mən hər dəfə Ermənistana girəndə və ya çıxanda məni saatlarla polis bölməsində saxlayıblar. Ermənistana növbəti səfərimdə məni nə gözləyir? Mən ölkəyə daxil olan kimi onlar yenidən məni saxlayacaq, növbəti dəfə münaqişə və mətbuatda növbəti yazılar dalğası olacaq", - o bildirib.

Qeyd edək ki, Lapşin erməni diasporunun pulu ilə Azərbaycana qarşı təbliğatla məşğul olur.