Qərbin ən böyük səhvi Ukraynaya əvvəllər kömək etməməsidir, bu, 2014-cü ildə edilməli idi.

Axar.az Teleqraf-a istinadən xəbər verir ki, bunu NATO-nun keçmiş baş katibi Yens Stoltenberq deyib.

O qeyd edib ki, alyans 2014-2022-ci illər arasında Ukrayna ordusunu silahlandırıb təlim keçirsəydi, ölkə indi daha çox əraziyə nəzarət edə, bəlkə də Rusiya tərəfindən genişmiqyaslı işğalın qarşısını ala bilərdi.

“NATO müttəfiqləri Ukraynaya misli görünməmiş dəstək verdilər, amma böyük səhv ondadır ki, əvvəl daha çox dəstək göstərilmədi. Bu gün yenə səhvə yol veririkmi? Düşünürəm ki, bu gün daha çox şey etmək lazımdır”, - Stoltenberq vurğulayıb.