İranın Ermənistandakı səfirliyi İsrail telekanallarından birinin efirində erməni bayrağı əvəzinə Azərbaycan bayrağının nümayiş etdirilməsi ilə bağlı insidentə özünəməxsus tərzdə reaksiya verib.

Axar.az xəbər verir ki, bu barədə "Azad İran" Teleqram kanalı məlumat yayıb.

"Heç kim Ermənistan Respublikasının gözəl bayrağının əvəzinə başqa bayraq göstərə bilməz. Ermənistan tarixi sivilizasiyadır və İran hər zaman onu dəstəkləyib", - deyə Ermənistana olan xüsusi münasibətini gizlətməyən diplomatik missiyadan bildirilib.

Qeyd edək ki, İsrailin Kan-11 kanalı Avroviziya-2026 mahnı müsabiqəsinin yarımfinalında İsrailin Ermənistanı Azərbaycan bayrağı ilə təqdim etmişdi.