Niderland hökuməti diplomatik baqajın müsadirə olunması ilə bağlı İran səfirini Xarici İşlər Nazirliyinə çağırıb.

Axar.az xəbər verir ki, bu barədə Niderland Xarici İşlər Nazirliyi məlumat yayıb.

Məlumata görə, hadisə 2026-cı il yanvarın 28-də İmam Xomeyni Beynəlxalq Hava Limanında baş verib. İran tərəfi niderlandlı diplomatı diplomatik baqajını təhvil verməyə məcbur edib.

Bildirib ki, bu addım diplomatik insident yaradıb və qəbuledilməzdir. Rəsmi Haaqa müsadirə olunan əşyaların dərhal geri qaytarılması üçün İrana dəfələrlə müraciət edib.

İranın İSNA agentliyi isə niderlandlı diplomatın “Starlink” peyk telefonu və modemini qaçaqmalçılıq yolu ilə ölkəyə keçirməyə cəhd etdiyini və baqajının da buna görə müsadirə olunduğunu yazıb.