Ukrayna Müdafiə Qüvvələrinin taktiki mövqelərini yaxşılaşdırdığı Zaporojye bölgəsindəki Stepnoqorsk şəhəri həm Ukrayna, həm də Rusiya Silahlı Qüvvələri üçün strateji əhəmiyyət kəsb edir.

Axar.az xəbər verir ki, bu barədə Ukrayna ordusunun 65-ci əlahiddə mexanikləşdirilmiş briqadasının rabitə şöbəsinin rəisi Sergey Skibçik deyib.

Onun sözlərinə görə, Stepnoqorsk Rusiya qüvvələrinin Komışuvaxa-Tavriçeskoye-Orexov logistika yolunu kəsə biləcəyi bir nöqtədir və bu da müdafiə qüvvələrinin logistikası üçün böyük problemlər yarada bilər.

"Buna görə də biz bu ərazini qorumalı olduğumuzu çox yaxşı başa düşürük. Çünki ən pis ssenaridə bu, ruslara ora artilleriya daşımağa imkan verəcək", - deyə Skibçik bildirib.