Əli Xameneiyə qarşı hücum və sui-qəsd İranın suverenliyi və təhlükəsizliyinin, eləcə də BMT Nizamnaməsinin prinsip və məqsədlərinin, beynəlxalq münasibətlərin fundamental normalarının pozulmasıdır.

Axar.az xəbər verir ki, bu barədə Çin Xarici İşlər Nazirliyi bəyanat yayıb.

“Çin bu hərəkətə qəti şəkildə qarşı çıxır və pisləyir. Yaxın Şərqdə və dünyada sülhü, sabitliyi qorumaq üçün hərbi əməliyyatların dərhal dayandırılmasına və gərginliyin daha da artmasının qarşısının alınmasına çağırırıq”, - bəyanatda bildirilib.

Qeyd edək ki, İsrail və ABŞ 28 fevraldan İrana qarşı hərbi əməliyyata başlayıb. Endirilən zərbələr nəticəsində İranın ali dini lideri Əli Xamenei başda olmaqla, onlarla yüksək səviyyəli məmur ölüb.