19:22

Qətər Hərbi Hava Qüvvələri İrana zərbələr endirib.

Axar.az xəbər verir ki, bu haqda İsrailin “12-ci kanal”ı məlumat yayıb.

Hücumun mümkün nəticələri barədə informasiya verilmir.

Qeyd edək ki, ABş və İsrail İrana qarşı hərbi əməliyyatlara 28 fevraldan başlayıb. Zərbələr nəticəsində həmin gün İran ali dini lideri Əli Xamenei də daxil olmaqla, onlarla yüksək səviyyəli məmur ölüb.

İran cavab olaraq ABŞ-ln Körfəz ölkələrində yerləşən hərbi obyektlərini hədəf aldığını bildirir. Buna baxmayaraq, ərəb ölkələrində mülki infrastruktura da zərbələr endirilib.

***

Qətər Xarici İşlər Nazirliyi İrana zərbə endirilməsi ilə bağlı mediada yayılan məlumatı təkzib edib.

“Qətər İrana qarşı yönəlmiş kampaniyanın tərkib hissəsi olmayıb. Biz özünümüdafiə hüququmuzdan istifadə edirik və ölkəmizə qarşı İranın hücumlarının qarşısını alırıq.

Medianı Qətərlə bağlı xəbərləri dərc edərkən etibarlı Qətər mənbələrinə istinad etməyə çağırırıq”, - bəyanatda bildirilib.