Hörmətli dost və qonşu ölkələrin liderləri, sizin köməyinizlə və diplomatiya yolu ilə müharibədən yayınmağa çalışdıq, lakin hərbi hücum bizə özümüzü müdafiə etməkdən başqa çarə qoymadı.

Axar.az xəbər verir ki, bunu İran Prezidenti Məsud Pezeşkian qonşu dövlətlərin liderlərinə müraciətində bildirib.

“Biz sizin suverenliyinizə hörmətlə yanaşırıq və hələ də inanırıq ki, regional sülh region ölkələri tərəfindən təmin edilməlidir”, - Pezeşkian vurğulayıb.

Qeyd edək ki, İsrail və ABŞ 28 fevraldan İrana qarşı hərbi əməliyyata başlayıb. Zərbələr nəticəsində İranın ali dini lideri Əli Xamenei başda olmaqla, onlarla yüksək səviyyəli məmur ölüb.

İran ABŞ-ın Yaxın Şərqdəki hərbi bazalarına və İsrailə cavab zərbələri endirir.