ABŞ-da Çinin İrana maliyyə yardımı, eləcə də raket ehtiyat hissələri və komponentləri verməyə hazırlaşdığına dair kəşfiyyat məlumatları var .

Axar.az xəbər verir ki, bu barədə CNN-in məsələ ilə tanış olan üç mənbəyə istinadən verdiyi məlumatda bildirilib.

Nəşr vurğulayır ki, Pekin indiyə qədər ABŞ-İran müharibəsindən kənarda qalıb. Lakin jurnalistlər xatırladıblar ki, Çin İran neftindən çox asılıdır və gəmilərin Hörmüz boğazından təhlükəsiz keçməsinə icazə verməsi üçün Tehrana təzyiq göstərir.

Mənbələrdən biri nəşrə bildirib ki, Çin dəstəyində daha ehtiyatlıdır. O, enerji təchizatını təhdid etdiyi üçün müharibənin bitməsini istəyir.

Qeyd edək ki, ABŞ və İsrail 28 fevraldan İrana qarşı hərbi əməliyyata başlayıb. Əməliyyatın ilk dəqiqələrində endirilən zərbələrlə İran ali lideri Əli Xamenei başda olmaqla, 40-a qədər yüksək vəzifəli məmur və hərbi komandir öldürülüb.

İran buna cavab olaraq İsrailə və ABŞ-ın regiondakı hərbi obyektlərinə zərbələr endirir.