İrana qarşı aparılan hərbi əməliyyatlar demək olar ki, yekunlaşıb. ABŞ qüvvələri planlaşdırılan qrafikdən daha sürətlə irəliləyir və əməliyyatların əsas mərhələsi artıq başa çatmaq üzrədir.

Axar.az xəbər verir ki, bu barədə ABŞ Prezidenti Donald Tramp "CBS Nyus" telekanalına müsahibəsində deyib.

Tramp bildirib ki, Vaşinqton İslam Respublikasına qarşı əməliyyatlarda ilkin planlaşdırılan müddətdən bir neçə həftə irəlidədir.

O qeyd edib ki, ABŞ administrasiyası əvvəlcə əməliyyatların 4–5 həftə davam edəcəyini nəzərdə tutsa da, proses gözləniləndən daha sürətli gedir.

“Düşünürəm ki, müharibə böyük ölçüdə artıq başa çatıb. Onların nə donanması, nə rabitə sistemi, nə də hərbi-hava qüvvələri var”, – deyə Tramp vurğulayıb.