2026.03.19. 20:33

ABŞ-a məxsus F-35 qırıcı təyyarəsi İran üzərində həyata keçirilən missiya zamanı İran atəşi nəticəsində zədələnib və Yaxın Şərqdə təcili eniş edib.

Axar.az xəbər verir ki, təyyarə təhlükəsiz şəkildə yerə endirilib, pilotun vəziyyəti stabildir. Hadisə ilə bağlı araşdırma aparılır.

Qeyd edək ki, ABŞ-a məxsus 5-ci nəsil döyüş təyyarəsinin vurulması ilk dəfədir ki, qeydə alınır.

***

Pentaqon sözçüsü ABŞ-ın F-35 qırıcı təyyarəsinin İran üzərində döyüş missiyası yerinə yetirdikdən sonra Yaxın Şərqdəki aviabazaya təcili eniş etməsini təsdiqləyib.

"ABŞ-ın F-35 təyyarəsinin İran üzərində döyüş missiyası yerinə yetirdikdən sonra regional ABŞ aviabazasına təcili eniş etməsi barədə məlumatlardan xəbərdarıq. Təyyarə təhlükəsiz şəkildə eniş edib və pilotun vəziyyəti sabitdir. Bu hadisə ilə bağlı araşdırma aparılır", - deyə bildirilib.