Şimali Koreya lideri Kim Çen İn və qızı Kim Cu E hərbi təlimlər zamanı ən yeni döyüş tankına miniblər.

Axar.az xəbər verir ki, bu barədə Koreya Mərkəzi Xəbər Agentliyi məlumat yayıb.

19 martda Şimali Koreya lideri Koreya Xalq Ordusunun Paytaxt Müdafiə Korpusunun təlim bazasına baş çəkib. Orada piyada və tank bölmələrinin birgə hücumda iştirak etdiyi taktiki təlimləri izləyib və bir daha yeni tankın döyüş xüsusiyyətləri ilə tanış olub.

Kim Çen İnın sözlərinə görə, bu tank yeddi illik inkişafın nəticəsidir.

“Əminəm ki, dünyada bu tank qədər güclü özünümüdafiə funksiyasına malik zirehli silah yoxdur", - deyə o vurğulayıb.