Birləşmiş Ərəb Əmirlikləri (BƏƏ) və Səudiyyə Ərəbistanı İranla hərbi münaqişəyə girməyi düşünür.

Axar.az xəbər verir ki, bu barədə "Blumberq" mənbələrə istinadən məlumat yayıb.

"Fars körfəzindəki ərəb ölkələri ABŞ və İsrailin İrana qarşı müharibəsinə qoşulmağı düşünür. Tehran onların kritik infrastrukturuna hücumları davam etdirərsə, onlar bunu etməyə məcbur ola bilər", - məlumatda deyilib.

Agentlik iddia edir ki, İran zərbələrinə məruz qalan bu iki ölkənin səbri artıq tükənməkdədir:

"Fars körfəzinin digər ölkələri də Tehranla münaqişəyə doğru irəliləyir".

Qeyd edək ki, ABŞ və İsrail İrana qarşı hərbi əməliyyatlara 28 fevralda başlayıb. İran İsrailə və ABŞ-ın Yaxın Şərq ölkələrində yerləşən hərbi obyektlərinə, o cümlədən enerji infrastrukturuna zərbələrlə cavab verir.