Onların (Qarabağdakı qondarma rejim - red.) Qarabağda sona qədər döyüşdükləri barədə iddialar mifdir.

Axar.az xəbər verir ki, bunu Ermənistanın Baş naziri Nikol Paşinyan deyib.

Onun sözlərinə görə, 2023-cü ildə (Qarabağda - red.) baş verən hadisələrdən sonra Ermənistan Təhlükəsizlik Şurasının iclası keçirilib və orada hərbi əməliyyatların nəticələri təhlil edilib, məlum olub ki, döyüşlərin getdiyi və s. iddialar, yumşaq desək, reallığa uyğun gəlmir.

Paşinyan əlavə edib ki, kəşfiyyat məlumatlarına görə, silahların əsas hissəsinə (80-90%) toxunulmayıb.

O, sona qədər döyüşmək haqqında söhbətləri mif adlandırıb:

"Lazım gələrsə, bu məlumatları məxfilikdən çıxaracağıq. Bütün bunları dərc etmək üçün lazımi vaxtda qərar verəcəm. Yalandır, belə deyil, qaçıblar".