Qlobal ehtiyatlar azaldıqca Avropa və Böyük Britaniyanın Moskvadan enerji təchizatına ciddi ehtiyacı yaranır.

Axar.az xəbər verir ki, bunu Rusiya Birbaşa İnvestisiya Fondunun rəhbəri Kirill Dmitriyev deyib.

"Rusiya Avropa və Böyük Britaniyadan çoxlu müraciət alacaq və onları təmin edib-etməmək barədə qərar verəcək. Bizim proqnozumuz çox aydındır: Avropa və Böyük Britaniya Rusiyaya enerji resurslarına görə yalvaracaq",- o bildirib.

Dmitrityev qlobal enerji bazarlarında təlatümlərə səbəb olan Yaxın Şərqdəki münaqişə səbəbindən neftin qiymətinin sürətlə bir barel üçün 150-200 dollara yüksələ biləcəyini istisna etməyib.