ABŞ və İran arasında danışıqlara gələk.

Axar.az xəbər verir ki, bunu rusiyalı politoloq Sergey Markov bildirib.

"1. İran nümayəndə heyəti 71 nəfərdən ibarətdir. Böyükdür.

2. Səbəb odur ki, çox sayda texniki mütəxəssis var və onlar ABŞ-la müzakirə etməlidirlər: A. İrana qarşı sanksiyaların ləğvi; B. İranın Hörmüz boğazından istifadə üçün rüsum alması texnikası; C. Atəşkəsə nəzarət etmək, ABŞ-ın yenidən təcavüz etməməsinə zəmanət vermək texnikası.

3. İranın danışıqlarda ən əhəmiyyətli tələbləri: A. İsrail Livandakı müharibəni dayandırmalıdır; B. ABŞ dərhal İranın pul əngəlini qaldırmağa və sanksiyaları ləğv etməyə başlamalıdır; C. İranın dinc məqsədlər üçün uranı zənginləşdirmək hüququ; Ç. İran Hörmüz boğazından istifadəyə görə rüsum almalıdır; D. Dağıntıları bərpa etmək üçün İrana kompensasiya ödənişi.

4. Danışıqları Vens, Uitkoff və Kuşner aparır.

5. İran nümayəndə heyəti rəsmi olaraq Minab-168 adlandırılır. Çünki müharibənin ilk günündə ABŞ ordusu Minab şəhərindəki məktəbdə 168 qızı qətlə yetirmişdi.

6. İran qalib kimi danışıqlar aparmağı planlaşdırır.

7. Proqnoz. Ən çox ehtimal olunan nəticə odur ki, sülhlə bağlı tam razılaşma olmayacaq. Və atəşkəs hər zaman uzadılacaq. ABŞ rəsmi olaraq İranın tələbləri ilə razılaşmayacaq, amma faktlara görə razılaşacaq.

8. İran nümayəndə heyətinə parlament sədri Məhəmməd Bağır Qalibaf və xarici işlər naziri Abbas Arakçı başçılıq edir.

9. Danışıqlar birbaşa aparılmır, nümayəndə heyətləri müxtəlif otaqlardadır, otaqlar arasında pakistanlı diplomatlar gəzir", - Markov vurğulayıb.

Qeyd edək ki, ötən gün ABŞ və İran nümayəndələri arasında danışıqlar keçirilib.