İran nümayəndə heyəti yumşaq müharibə və ABŞ-ın təslim olmasında iştirak etmək üçün Pakistana uçub.

Axar.az xəbər verir ki, bu sözləri İran parlamentinin sədr müavini Hacı Babai deyib.

"Ölkəmizin rəsmiləri ABŞ-ın təslim olmasına nail olmaq üçün yumşaq müharibə və diplomatik mübarizəyə başlayıblar. Başqa hər şey ölkə üçün qəbuledilməzdir", - o bildirib.

Babai iddia edib ki, bu gün İran dünyanın dörd supergücü arasında yer alır:

“Dünya neft ehtiyatlarının 20%-nin və dünya qazının 35%-nin keçdiyi Hörmüz boğazı tamamilə bizim nəzarətimizdədir və oradan keçmək üçün ödənişlər rialla toplanmalıdır.

Sanksiyalara baxmayaraq, İranın neft ixracı 1,6 milyon barreli keçib və bu gün ölkəmizin nefti praktik olaraq sanksiyalardan azaddır. İran xalqı tələblərindən bir zərrə belə geri çəkilməyəcək”.

Qeyd edək ki, ABŞ və İran nümayəndə heyətləri arasında Pakistanda baş tutan danışıqlar nəticəsiz başa çatıb.