Macarıstanın gələcək baş naziri Peter Magyar sələfi Viktor Orbanın müəyyən etdiyi sərt miqrasiya siyasətini davam etdirmək niyyətində olduğunu açıqlayıb.

Axar.az xəbər verir ki, bu barədə o, jurnalistlərə açıqlamasında deyib.

Magyar bildirib ki, bu siyasətin məqsədi ölkəyə qanunsuz miqrasiya axınının qarşısını almaqdır.

Siyasətçi Macarıstan sərhədlərinin təhlükəsizliyinin gücləndirilməsinin vacibliyini vurğulayıb.

Magyar qeyd edib ki, ölkənin qanunsuz miqrasiya ilə bağlı dəyişməz mövqeyini Avropa Komissiyasının sədrinə və digər Avropa liderlərinə açıq şəkildə çatdırıb:

"Biz nə müqavilələri, nə də yenidən bölüşdürmə mexanizmlərini qəbul edirik. Cənubdakı sərhəd çəpərimizi qoruyub saxlayacağıq və onu təmir edəcəyik, çünki orada dəliklər var".