Fransa Prezidenti Emmanuel Makron və Polşanın Baş naziri Donald Tusk Parisin himayəsi altında birgə nüvə təlimlərini müzakirə edib.

Axar.az xəbər verir ki, bu barədə “Politiko” məlumat yayıb.

“Makron Polşaya səfəri zamanı müzakirə olunan mövzuların informasiya mübadiləsi və birgə təlimləri əhatə edəcəyini bildirib. Fransa AB-də nüvə silahına malik yeganə ölkə olaraq qalır və Makron daha əvvəl Fransanın çəkindirmə tədbirlərinin yeni mərhələsini elan etmişdi. Polşa, Almaniya, Yunanıstan, Niderland, Belçika, Danimarka və İsveç bu razılaşmada Fransaya qoşulacaq. Amerikanın birgə istifadə proqramında iştirak etməyən Varşava Avropanın Rusiyaya qarşı çəkindirmə tədbirlərini gücləndirməkdə maraqlıdır”, - məlumatda deyilib.