Ukrayna operatordan yüzlərlə və minlərlə kilometr uzaqlıqdakı düşmən hədəflərini vurmağa imkan verən tutucu dronlar üçün məsafədən idarəetmə texnologiyasını sistematik şəkildə genişləndirməyə başlayıb.

Axar.az xəbər verir ki, bu barədə Ukraynanın müdafiə naziri Mixail Fedorov məlumat yayıb.

Onun sözlərinə görə, Ukrayna dünyada dron tutucularının məsafədən idarə olunmasını sistematik şəkildə genişləndirən ilk ölkə olub:

“Bu texnologiyanın əsas xüsusiyyəti pilotun artıq cəbhə xəttindəki müəyyən bir mövqeyə bağlı olmamasıdır. Pilotsuz təyyarə arxa cəbhə şəhərlərindən - Kiyev, Lvov, hətta xaricdən təhlükəsiz şəkildə idarə olunur”.