Xarici ölkələr Gürcüstana pul yatırmağa davam edir, buna görə də ölkə gələcəkdə inqilab cəhdləri ilə üzləşəcək.

Axar.az xəbər verir ki, bunu hakim "Gürcü Arzusu - Demokratik Gürcüstan" partiyasının baş katibi və Tiflis meri Kaxa Kaladze İmedi TV-yə verdiyi müsahibədə deyib.

"Əlbəttə ki, bu gün qütbləşməni daha da dərinləşdirmək, cəmiyyəti bölmək və qarşıdurma yaratmaq üçün pul xərclənir. İnqilablar təşkil etmək cəhdləri olub və daha çox olacaq. İnqilabi ssenarilərin açıq şəkildə müzakirə olunduğu təlimlər buna sübutdur", - Kaladze bildirib.

O qeyd edib ki, hökuməti devirmək cəhdlərinin əvvəlki kimi qarşısı alınacaq.