ABŞ Müdafiə Nazirliyi təhdidlərə qarşı durmaq və ABŞ-ı, müttəfiqlərini və tərəfdaşlarını qorumaq üçün Yaxın Şərqdəki güc strukturunu zəruri və uyğun şəkildə yeniləməyə davam edəcək.

Axar.az xəbər verir ki, bu barədə ABŞ Prezidenti Donald Trampın Nümayəndələr Palatasının spikeri Mayk Consona göndərdiyi məktubda bildirilib.

"ABŞ-ın İrana qarşı əməliyyatının uğuruna və davamlı sülhün təmin edilməsi üçün davam edən səylərə baxmayaraq, təhlükə əhəmiyyətli olaraq qalır. Buna görə də Müdafiə Nazirliyi təhdidlərə qarşı mübarizə aparmaq və ABŞ-ı, müttəfiqlərini və tərəfdaşlarını qorumaq üçün zəruri və uyğun olduqda ayrı-ayrı ölkələrdə məsuliyyət sahəsindəki güc strukturunu yeniləməyə davam edir. Bu dəyişikliklər məktubun məxfi əlavəsində ətraflı şəkildə təqdim olunub", - Tramp qeyd edib.