Ermənistanın Baş naziri Nikol Paşinyan Rusiyanın düşmənidir. Əgər Paşinyan qarşıdan gələn parlament seçkisində qalib gəlsə, Rusiya nəticələri rəsmən tanımamalıdır.

Axar.az xəbər verir ki, bunu Rusiyanın hakim Vahid Rusiya fraksiyasının üzvü, Dövlət Dumasının MDB işləri, Avrasiya inteqrasiyası və həmvətənlərlə əlaqələr komitəsi sədrinin birinci müavini Konstantin Zatulin deyib.

O bildirib ki, Paşinyan heç vaxt antirusiya fikirlərini gizlətməyib və onun yenidən seçiləcəyi təqdirdə Ermənistanla Rusiya arasında tam qopma tendensiyası davam edəcək:

“O, Rusiyanın qeyd-şərtsiz düşmənidir, bir müddət hakimiyyətdə olandan sonra öz niyyətlərini, məqsədlərini kamuflyaj etmək məcburiyyətində qalmışdı. Onun öyrəşəcəyi, heç bir yerə getməyəcəyi ümidi ilə özümüzü sakitləşdirdik. O isə bizdən istifadə etdi. Paşinyan baş nazir olana qədər fikirlərini heç gizlətmirdi. O, “bütün keçmişdən, Rusiyadan qurtulmaq lazımdır, KTMT-dən çıxmaq lazımdır, Avrasiya İttifaqından çıxmaq lazımdır, Gümrüdəki rus bazasını çıxarmaq lazımdır” deyə yazırdı. Paşinyanın hakimiyyətə gəldikdən sonra birdən-birə bizim tərəfimizə keçəcəyini və ya inanclarını unudacağını düşünürdük, bu, sadəcə şüurun bulanması idi. O, şübhəsiz ki, hiyləgərdir. Ona görə də Paşinyan bütün bunları mütləq ucadan deməz, xüsusən də Kremldə Vladimir Putinlə görüşəndə. Amma indi bu maskaları da atıb. O, bu kursu getdikcə daha aqressiv, geniş miqyasda həyata keçirməyə başladı”, - o bildirib.