Rusiya Kommunist Partiyasının lideri Gennadi Züqanov Dövlət Dumasının plenar iclasında Ermənistanın Baş naziri Nikol Paşinyanı Moskvada qəbul etməyi dayandırmağı tələb edib.

Axar.az xəbər verir ki, bu barədə Züqanov Dövlət Dumasının iclasındakı çıxışında bildirib.

“Heç vaxt İrəvandan Qırmızı meydanı hücum altında saxlamaq üçün çağırışların eşidiləcəyini düşünməzdim”, - Züqanov Zelenskinin Avropa Siyasi Birliyinin 8-ci sammitində iştirak üçün səfər etdiyi İrəvandan verdiyi bəyanatı nəzərdə tutaraq deyib.

“Sual yaranır: İrəvanda niyə buna icazə verirlər və Moskvada Paşinyanı niyə qəbul edirlər? Mən təkid edirəm ki, bu fiqur, ona necə səs vermələrindən asılı olmayaraq, bir daha paytaxtımızda görünməsin”, - Züqanov qeyd edib.

Rusiya Kommunist Partiyası liderinin sözlərinə görə, Ermənistanın baş naziri Rusiyaya o qədər alçaldıcı və təhqiramiz sözlər deyib ki, “böyük bayram” ərəfəsində bundan artıq bir şey təsəvvür etmək çətindir.