Çin faktiki olaraq ABŞ Prezidenti Donald Trampdan məğlubiyyətini etiraf etməsini istəyir.

Axar.az xəbər verir ki, bunu rusiyalı politoloq Aleksey Naumov deyib.

"Çin lideri Si Szinpinin birlikdə işləmək, Amerika şirkətlərinin Çin bazarına buraxılması ilə bağlı bütün sözləri hər şeydən öncə kapitulyasiya təklifidir.

Məsələ burasındadır ki, bu müharibəni Çin başlatmadı. Məhz Tramp ilk prezidentlik dövründə bu müharibəni başlatdı və Pekini Vaşinqtonun əsas geosiyasi rəqibi kimi göstərdi. Azad ticarət, rüsumların olmaması və qloballaşma Çinin XXI əsrdə güclü yüksəlişinə səbəb oldu və onu amerikalıların əsas rəqibinə çevirdi.

Və Tramp Szinpinin bu təkliflərini qəbul edərsə, Çinin yüksəlişi davam edəcək. Tramp isə əlbəttə ki, bunu qəbul etməyəcək. O, Çinə təslim olmaq üçün müharibə elan etməmişdi", - o bildirib.