Rusiya lideri Vladimir Putin qeyri-adekvat vəziyyətə düşüb və Ukraynaya qarşı bütün mövcud silahlardan istifadə etməyə göstəriş verib.

Axar.az xəbər verir ki, bunu Ukrayna Silahlı Qüvvələri Baş Qərargah rəisinin keçmiş müavini İqor Romanenko deyib.

"O, qisasçıdır və buna görə də "Oreşnik" da daxil olmaqla, mümkün olan və maksimum dərəcədə hər şeyi istifadə etmək üçün müvafiq əmr verib", - o bildirib.

Romanenko vurğulayıb ki, zərbələrin mülki hədəflərə endirildiyini nəzərə alsaq, bu, terrorçunun və ya küncə sıxılmış heyvanın davranışıdır:

"Təəssüf ki, o, hələ də tam olaraq küncə sıxışdırılmayıb".

Qeyd edək ki, Rusiya ordusu paytaxt Kiyevə 36-sı ballistik olmaqla, 90 raket və 600 PUA ilə kütləvi hücum edib. Hücumlar nəticəsində 2 nəfər həlak olub, 78 nəfər yaralanıb.