06:53

ABŞ qüvvələri İranın cənubunda bir neçə hədəfə zərbə endirib.

Axar.az xəbər verir ki, bu barədə "Foks Nyus" kanalı ABŞ Mərkəzi Komandanlığının (CENTCOM) sözçüsü Tim Hokinsə istinadən məlumat yayıb.

"ABŞ ordusu bu gün İran qüvvələrinin yaratdığı təhdidlərdən qüvvələrimizi qorumaq üçün ölkənin cənubunda özünümüdafiə hücumları həyata keçirib. Hədəflər arasında raket buraxılış məntəqələri və İran qayıqları da var idi", - deyə o əlavə edib.

Qeyd olunub ki, ABŞ ordusunun hücumuna məruz qalan qayıqlar mina yerləşdirməyə cəhd göstərib.

***

ABŞ hərbçilərinin İranın cənub hissəsində yerləşən bir sıra hədəflərə zərbələr endirməsi nəticəsində SEPAH itkilər verib.

Bu barədə İran mediası məlumat yayıb.

Bildirilib ki, zərbələr nəticəsində SEPAH-ın 4 üzvü həlak olub.