Demokratlar və media tamamilə yollarını azıblar. Onlar tam dəli olublar!

Axar.az xəbər verir ki, bunu ABŞ Prezidenti Donald Tramp özünün “Truth Social” səhifəsində yazıb.

“Əgər İran təslim olsa, donanmasının məhv edilərək dənizin dibinə göndərildiyini etiraf etsə, hava qüvvələrinin artıq mövcud olmadığını qəbul etsə, ordusu silahını yerə atıb, əlini qaldıraraq və ağ bayraq yelləyərək “təslim oluruq, təslim oluruq” qışqırıqları ilə Tehrandan çıxsa, ölkənin qalan bütün rəhbərliyi də “təslim sənədlərini” imzalayıb ABŞ-ın möhtəşəm gücü qarşısında məğlub olduqlarını qəbul etsə belə, uğursuz “Nyu York Tayms”, “Voll Strit Jurnal”, korrupsiyalaşmış və artıq əhəmiyyətsiz CNN və digər saxta xəbər mediası yenə də başlıq atacaq ki, İran ABŞ üzərində parlaq və möhtəşəm qələbə qazanıb. Özü də böyük fərqlə!”, - o qeyd edib.