Türkiyə modernləşdirilmiş F-16 donanması, “Tayfun” tədarükü, KAAN layihəsi və güclü müdafiə sənayesi infrastrukturu ilə 2030-cu ilə qədər hava gücünü əhəmiyyətli dərəcədə artıracaq.

Axar.az xəbər verir ki, bu barədə Yunanıstan mediası yazıb.

Bildirilib ki, Ankara Afina ilə müqayisədə say üstünlüyünü qoruyub saxlayacaq və bölgədəki ən inkişaf etmiş hava qüvvələrindən birinə sahib olacaq.

Təhlildə Türkiyənin əldə etməyi planlaşdırdığı “Tayfun” qırıcı təyyarələri xüsusilə vurğulanıb.

Bildirilib ki, AESA radarı ilə təchiz olunmuş bu platformalar Avropanın ən qabaqcıl qırıcı təyyarələrindən biri hesab olunur və Türkiyə Hərbi Hava Qüvvələrinin əməliyyat imkanlarını əhəmiyyətli dərəcədə artıracaq.

Bundan başqa, milli qırıcı təyyarə “Kaan”ın 2030-cu ilə qədər istifadəyə verilməsinin gözlənildiyi və layihənin Türkiyənin uzunmüddətli hava gücü vizyonunun ən vacib elementlərindən biri olduğu qeyd olunub.