Yaxın Şərqdə region ölkələrinin bir-birinin ərazi bütövlüyünə hörmət etdiyi bir struktur yaradıla bilər.

Axar.az xəbər verir ki, bunu Türkiyə xarici işlər naziri Hakan Fidan “Nikkei Asia” qəzetinə verdiyi açıqlamada deyib.

Pakistan, Türkiyə, Səudiyyə Ərəbistanı, Misir və Körfəz ölkələrinin bu struktura daxil ola biləcəyini deyən nazir bildirib ki, vəziyyət normallaşarsa, İran da bu quruma qoşula bilər.

Fidan İsrailin 1967-ci il sərhədlərinə əsaslanan Fələstin dövlətini tanıdığı təqdirdə bu platformada iştirak edə biləcəyini vurğulayıb:

“Əgər bu məsələ həll olunarsa, inanıram ki, İsrailin təhlükəsizliyi regional ölkələr tərəfindən əhəmiyyətli dəstək alacaq”.