Fransa və Cənubi Kipr arasında hərbi əməkdaşlığın genişləndirilməsi ilə bağlı saziş bazar ertəsi imzalanacaq.

Axar.az xəbər verir ki, bu barədə “Politiko” nəşri məlumat yayıb.

Məlumata görə, saziş Fransa hərbi qüvvələrinin Cənubi Kipr ərazisində fəaliyyətinin hüquqi çərçivəsini müəyyən edəcək.

Sənəd fransız hərbçilərinin Kiprdə birgə hərbi təlimlər keçirməsi üçün şərtləri, eləcə də müdafiə sahəsində tərəfdaşlığın digər aspektlərini əhatə edəcək.

Razılaşma Fransa ilə Kipr arasında müdafiə əməkdaşlığının dərinləşdirilməsinə və Şərqi Aralıq dənizi regionunda təhlükəsizlik sahəsində koordinasiyanın gücləndirilməsinə xidmət edəcək.