Fransa Prezidenti Emmanuel Makron 17 iyunda keçiriləcək “Yeddilik Qrupu” (G7) sammitinin başa çatmasından sonra Versal Sarayında ABŞ Prezidenti Donald Tramp üçün təntənəli qəbul təşkil edəcək.

Axar.az xəbər verir ki, bu barədə yerli KİV məlumat yayıb.

Bildirilib ki, görüş rəsmi tədbir kimi ABŞ müstəqilliyinin 250 illiyinin qeyd olunması ilə başlayacaq.

Fransa liderinin ofisi bildirib ki, Versal Sarayı Fransa-Amerika dostluğunun mühüm simvolu hesab olunur, çünki ABŞ-ın müstəqilliyini təmin edən müqavilə 1783-cü ildə orada imzalanıb.

Qeyd edək ki, Tramp 15-17 iyun tarixlərində Evian-le-Ben (Haute-Savoie) şəhərində keçiriləcək G7 sammitində iştirak etmək üçün Fransaya gələcək.