ABŞ və İran arasında əldə olunan razılaşmanı bölgəmizdə sülh və sabitliyin təmin edilməsi baxımından mühüm hadisə kimi qiymətləndirir və bunu məmnunluqla qarşılayıram.

Axar.az xəbər verir ki, bunu Türkiyə Prezidenti Rəcəb Tayyib Ərdoğan X hesabında yazıb.

“İmzaların atılacağı günədək gərginliyi artıracaq bəyanatlardan, təxribatlardan çəkinməyin zəruriliyini, həmçinin mümkün sabotaj cəhdlərinə qarşı ayıq-sayıq olmağın vacibliyini vurğulamaq istəyirəm.

Bu nəticənin əldə olunmasında, ilk növbədə ABŞ və İran rəhbərlikləri olmaqla, vasitəçilik səylərinə görə Pakistana təşəkkür edirəm.

Həmçinin Qətər və Səudiyyə Ərəbistanının diplomatik təşəbbüslərə göstərdikləri dəstəyi yüksək qiymətləndirirəm.

Türkiyə olaraq bölgəmizdə sülhün və əmin-amanlığın bərqərar olunmasına yönəlmiş bütün addımları dəstəkləməyə, həmçinin diplomatiya və beynəlxalq hüquq prinsipləri əsasında davamlı həll yollarının tapılmasına töhfə verməyə davam edəcəyik”, - deyə Ərdoğan əlavə edib.

Qeyd edək ki, Pakistan Baş naziri Şahbaz Şərif İranla ABŞ arasında razılaşmanın əldə edildiyini və sazişin 19 iyunda İsveçrədə imzalanacağını bəyan edib.