Macarıstan parlamenti ölkə Konstitusiyasına baş nazirin səlahiyyətlərini iki dörd illik müddətlə məhdudlaşdıran düzəlişi təsdiqləyib.

Axar.az xəbər verir ki, bu barədə “Döyçe Velle” məlumat yayıb.

Məlumata görə, səsvermə zamanı 134 deputat təşəbbüsü dəstəkləyib, 50 nəfər əleyhinə səs verib, altı nəfər isə bitərəf qalıb:

“Qayda 1990-cı ildən bəri hökumət başçısı vəzifəsini tutan hər kəsə şamil edilir. Bu o deməkdir ki, keçmiş baş nazir Viktor Orban bu vəzifəyə beş müddətə qayıtdığı üçün yenidən baş nazir ola bilməyəcək”.

Qeyd edək ki, sözügedən Konstitusiya dəyişiklikyi 12 aprel parlament seçkilərindən sonra Macarıstanın Baş naziri olan Peter Magyarın seçki vədlərindən biri idi.