Almaniya Silahlı Qüvvələri pilotsuz uçuş aparatlarından (PUA) müdafiə imkanlarının gücləndirilməsinə milyardlarla avro vəsait ayırmağı planlaşdırır.

Axar.az xəbər verir ki, bu barədə Almaniyanın müdafiə naziri Boris Pistorius məlumat verib.

Nazirin sözlərinə görə, hazırda PUA-larla bağlı fəaliyyət planı hazırlanır və onilliyin sonunadək bu sahəyə təxminən 16 milyard avro sərmayə yatırılması nəzərdə tutulur.

Pistorius bildirib ki, Almaniya həm kəşfiyyat və zərbə dronları, həm də dron hücumlarının qarşısını alan sistemlər əldə edir. O vurğulayıb ki, əsas məqsəd bu imkanları operativ şəkildə ordunun istifadəsinə vermək və təlimlərdə tətbiq etməkdir.