Avstriyanın Qraz Hava Limanında gömrük polisinin saxladığı tunisli qadının çamadanından həyat yoldaşının bağırsaqları çıxıb.

Axar.az xəbər verir ki, Avstriya mətbuatı bağırsaqların diqqətlə paketləndiyini yazıb.

Qadın yoldaşının zəhərlənmə nəticəsində öldüyündən şübhələndiyini, buna görə də toksikologiya testi etdirmək üçün daxili orqanlarını götürdüyünü deyib. Qadının həyat yoldaşının Tunisdə əməliyyat nəticəsində öldüyü bildirilib.

Sözügedən qadının iddiasından sonra hava limanına həkim çağırılıb. Lakin həkim bədənin digər hissələri olmadan testləri etməyin mümkün olmadığını deyib.

Polis qadının heç bir qaydanı pozmadığını bildirib, daxili orqanlar isə istintaq üçün saxlanılıb.