Rusiya hökuməti daxili yanacaq bazarını sabitləşdirmək üçün tədbirlər həyata keçirməyi planlaşdırır.

Axar.az xəbər verir ki, bunu Rusiyanın Baş nazirinin müavini Aleksandr Novak deyib.

"Hazırda həyata keçirilən və iqtisadiyyatın inkişafını təmin etmək üçün güzəştli vergi şərtlərinin yaradıldığı iki əsas təşəbbüsümüz var. Birinci tədbir idxaldır", - o bildirib.

Novakın sözlərinə görə, hökumət artıq benzinin məcburi birja satış kvotasını 15%-dən 10%-ə endirmək qərarına gəlib və yanacaq bazarında vəziyyəti sabitləşdirmək üçün ticarət zamanı qiymət artımını məhdudlaşdırıb.

O qeyd edib ki, Rusiya şirkətləri daxili bazarın tələbatını pozmadan hökumətlərarası sazişlər çərçivəsində benzin ixracını davam etdirir.