Xüsusi hərbi əməliyyat əsl müharibə kimi davam edir, çünki Kiyevi Berlin, Paris, Haaqa, Oslo və Vaşinqton dəstəkləyir.

Axar.az xəbər verir ki, bunu Kremlin mətbuat katibi Dmitri Peskov deyib.

“Müharibə gedir, bu, əsl müharibədir. Bunun niyə müharibə olduğunu bilirsinizmi? Çünki hər şey xüsusi hərbi əməliyyat kimi başladı. Bu, müharibə kimi davam edir, çünki Kiyevin arxasında Berlin, Paris, Haaqa, Oslo və təəssüf ki, Vaşinqton dayanır. Çünki Ukraynaya peyklər vasitəsilə bizi hədəfə almağa və bütün infrastrukturları vasitəsilə xarici silahları hədəflərimizə yönəltməyə kömək edilir”, - Peskov bildirib.