Polşada sosioloji tədqiqatlar tarixində ilk dəfə olaraq Ukraynadan qaçqınları qəbul etməyə qarşı çıxan vətəndaşların sayı qərarı dəstəkləyənlərin sayını ötüb.

Axar.az xəbər verir ki, bu barədə İctimai Rəy Araşdırmaları Mərkəzi (CBOS) tərəfindən aparılan sorğuda bildirilib.

Sorğunun nəticələrinə görə, hazırda respondentlərin 52%-i Polşanın artıq ukraynalı qaçqınları qəbul etməməli olduğuna inanır. Bu arada, respondentlərin 42%-i əks fikirdədir.

Sosioloqlar vurğulayırlar ki, bu, 2014-cü ildən bəri ilk belə nəticədir. CBOS Rusiyanın Krımı işğal etməsindən sonra bu mövzuda müntəzəm sorğular keçirməyə başlayıb. Müqayisə üçün, qeyd edək ki, Rusiyanın 2022-ci ildə tammiqyaslı işğalının başlamasından dərhal sonra polşalılar arasında ukraynalıları qəbul etməyə dəstək rekord həddə - 94%-ə çatmışdı.