Bir il əvvəl ABŞ ticarət gəmilərinə atəş açan husilərə qarşı çox güclü hərbi zərbələr endirdi. Həmin vaxtdan bəri və İranla yaşadığımız qarşıdurma dövründə onlar kifayət qədər məsuliyyətli davranıblar. Təəssüf ki, indi yenidən fəaliyyətə başlayıblar və ötən gecə Səudiyyə Ərəbistanının 2 gəmisinə atəş açıblar.

Axar.az xəbər verir ki, bunu ABŞ Prezidenti Donald Tramp özünün “Truth Social” səhifəsində yazıb.

“Qoy bu paylaşımım rəsmi mövqeyimizi ifadə etsin: Əgər yenidən etsələr, ABŞ buna görə İranı məsul tutacaq. Çünki husilər İranın dəstəklədiyi və onun adından fəaliyyət göstərən qüvvədir. Belə bir hal təkrarlanarsa, İrana qarşı ciddi hərbi cəza tədbirləri görüləcək.

Əlbəttə, husilər də bunun nəticələri ilə üzləşəcəklər. Açığı, indiyədək kifayət qədər peşəkar və ağıllı davrandıqları halda yenidən bu addımı atdıqları üçün onlardan dərin məyusluq hissi keçirirəm.

Bu məsələyə göstərdiyiniz diqqətə görə təşəkkür edirəm!”, - o bildirib.

Qeyd edək ki, bu gün səhər Səudiyyə Ərəbistanına məxsus iki neft tankeri Yəmən yaxınlığında husilərin raket hücumuna məruz qalıb.