20:07

Pakistanın şimal-qərbindəki Xeybər-Paxtunxva əyalətində polis bölməsinin yaxınlığında kamikadzenin partlayış törətməsi nəticəsində ən azı yeddi nəfər ölüb, 18 nəfər yaralanıb.

Axar.az xəbər verir ki, bu barədə "Dawn" qəzeti məlumat yayıb.

Svat rayon polis rəisi Ömər Xanın sözlərinə görə, terrorçu binanın girişində polis əməkdaşları onun üzərində axtarış aparmaq istəyən zaman partlayıcı qurğunu işə salıb.

Təhlükəsizlik qüvvələri hadisə yerini mühasirəyə alıb və istintaq qrupları işləyir. Yaralılar xəstəxanaya çatdırılıb.

Bildirilib ki, partlayış Kabal Çovk yaxınlığında baş verib və həmin vaxt Svat vadisində terror fəaliyyətinin artmasına etiraz olaraq mitinq keçirilirdi.

***

Pakistanın Heybər-Paxtunxva əyalətindəki polis bölməsi yaxınlığında törədilmiş terror aktı nəticəsində ölənlərin sayı 14-ə çatıb, 20 nəfər isə yaralanıb.