Pakistan Hindistanla Kəşmir problemi üzrə dialoqa hazırdır.

Axar.az Röyter-ə istinadən xəbər verir ki, bu açıqlama ilə Pakistanın Yeni Dehlidəki səfiri Əbdül Basit çıxış edib.

Səfirin sözlərinə görə, Pakistan danışıqlar xatirinə danışıqlara getmək istəmir:

"Bizə konkret nəticələr lazımdır, danışıqlar xatirinə danışıqlar yox".

Xatırladaq ki, 29 sentyabr tarixində Kəşmirdə Pakistan və Hindistan hərbçiləri arasında atışma baş verib. Nəticədə iki pakistanlı, on doqquz hind hərbçi həlak olub.

Hindistan tərəfi Pakistan ordusunun atəşkəsi pozduğunu, Cammu və Kəşmirdəki nəzarət xəttindən atəş açıldığını bildirib.

Pakistanın Geo TV telekanalı isə öz növbəsində Hindistan hərbçilərinin Pakistan ordusunun mövqelərinə səbəbsiz atəş etdiyi açıqlayıb.

Qədim Kəşmir knyazlığının ərazisi Hindistan və Pakistan arasında 1947-ci ildən mübahisə predmeti olaraq qalır. Hindistan-Pakistan müharibəsinin üçündən ikisi Kəşmirə görə baş verib. Hazırda Kəşmirdə dövlət sərhədi yoxdur, onun ərazisini nəzarət xətti ayırır.