Moskva Amerika silahlarının Türkiyə vasitəsilə Ukraynaya mümkün ötürülməsi ilə bağlı Vaşinqton və Ankaradan cavab gözləyir.

Axar.az xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova brifinqdə deyib.

"Rusiya Xarici İşlər Nazirliyi bu məsələ ilə bağlı ABŞ və Türkiyədən izahat tələb edib. Biz Vaşinqton və Ankaradan cavab gözləməyə davam edirik. Bu məsələnin Ukrayna münaqişəsinin davamlı həll yolları perspektivləri üçün açıq-aşkar nəticələrinə görə, biz cavab alacağımızı gözləyirik", - deyə o bildirib.

Qeyd edək ki, avqustun əvvəlində Dövlət Departamenti Konqresi Ankaranın Kiyevə raket sistemləri və mərmilər də daxil olmaqla, 255,9 milyon dollar dəyərində Amerika silahlarını təhvil verə biləcəyi barədə məlumatlandırmışdı.