Ukrayna Rusiya Prezidenti Vladimir Putini danışıqlar masası arxasına əyləşdirmək üçün uzaqmənzilli silahların tətbiqi baxımından daha rəqabət qabiliyyətli olmalıdır.

Axar.az xəbər verir ki, Ukrayna Prezidenti Vladimir Zelenski bunu Kiyevdə keçirilən "Könüllülər Koalisiyası" sammitindən sonra keçirilən mətbuat konfransında bildirib.

O, Ukrayna və Rusiyanın uzaqmənzilli dron hücumları həyata keçirmək imkanları ilə bağlı mövcud vəziyyəti müqayisə edib:

"Müharibəni Rusiyaya qaytarmaq, onlar üçün ağrılı etmək, cəmiyyətlərinin müharibəni hiss etməsi və Putinə təzyiq göstərməsi... Bax, bu, Putini danışıqlara sövq etmək üçün vasitələrdən biridir. O zaman bizə də eyni dərəcədə rəqabətli sayda dron lazımdır. Pul yox, çünki bu gün onların ikiqat pulu var”, — deyə Zelenski vurğulayıb.