13:03

Norveçin Baş naziri Yonas Qar Störe və hökumət nazirləri avqustun 28-də Dövlət Şurasının təcili iclasını keçirəcək.

Axar.az xəbər verir ki, bu barədə Nazirlər Kabinetinin mətbuat xidməti məlumat yayıb.

Bəyanatda bildirilib ki, hökumət monarxın iqamətgahında Dövlət Şurasının təcili iclasını çağıracaq və orada bu gün vəfat etmiş V Haraldın varisi, yeni kralla görüşəcək.

Görüşdən sonra hökumət üzvlərinin iştirakı ilə yas mərasimləri təşkil ediləcək.

***

Kral V Haraldın vəfatından sonra onun oğlu Hokon Norveçin yeni monarxı olub.

Bu barədə Norveç mediası məlumat yayıb.

"Bir neçə dəqiqə əvvəl o, yeni vəliəhd şahzadə İnqrid Aleksandra ilə birlikdə hökumət nümayəndələrinin iştirakı ilə Nazirlər Kabinetinin növbədənkənar iclasını keçirib", - məlumatda qeyd olunub.

Yeni kral VIII Hokon adını götürüb.

Qeyd edək ki, Norveç kralı V Harald bu gün 90 yaşında vəfat edib.