Türkiyə, Pakistan və Səudiyyə Ərəbistanının razılaşması Tehran üçün təhdid deyil.

Axar.az xəbər verir ki, bunu İran Xarici İşlər Nazirliyinin sözçüsü İsmayıl Bəqai deyib.

Bəqayi mətbuat konfransında üç ölkə arasında əldə olunan razılaşmanın Tehran üçün təhdid hesab edilməsinə heç bir səbəb olmadığını bildiib.

“Regionun İslam ölkələri öz təhlükəsizlikləri üçün ABŞ-ın vədlərinə etibar edə bilməyəcəkləri qənaətinə gəliblər. Çünki Amerika yalnız sionist rejimin maraqlarını qorumaqla məşğuldur”, – deyə XİN sözçüsü qeyd edib.

Bəqai, habelə, bu məsələ ətrafında Türkiyə ilə məsləhətləşmələrin davam etdiriləcəyini vurğulayıb.