Rusiyada saatda 450 km-ə qədər sürət yığa bilən və düşmən PUA-larını ələ keçirmək üçün nəzərdə tutulan “Kreçet” dron-interseptoru hazırlanıb.

Axar.az xəbər verir ki, bu barədə “Uşkuynik” Elmi-İstehsalat Mərkəzinin baş direktoru Aleksey Çadayev məlumat yayıb.

“İki elektrik mühərriki ilə təchiz olunan dron katapultdan buraxılır. Geri oxlu qanad konstruksiyası onun xüsusilə aşağı sürətdə, daha çevik manevr etməsinə imkan verir. “Kreçet” hədəfi yüksək sürətlə təqib edərək ona yaxınlaşa və kinetik zərbə ilə məhv edə bilər. Drona döyüş başlığı da quraşdırmaq mümkündür. Yeni aparatın sentyabrın 8–10-da “Patriot” parkında keçirilən Beynəlxalq Texnologiya Konqresində ilk dəfə təqdim edilməsi planlaşdırılıb”, - Çadayev bildirib.